Играми лезгияр! Мусурман стхаярни вахар!

Чна квез Къурбанд сувар рикIин сидкьидай тебрикзава.

Къурбанд сувар Ислам динда кьилинбурукай сад яз гьисабзава ва адахъ дуьз рекьел алай гьар са мусурман патал еке метлеб ава. Ада инсанрин арада дуствилин тум цазва, абур агудзава. Къурбанд суварихъ динэгьлияр Аллагьдиз мукьва ийидай къуватни ава. Виш йисарин тарих авай и сувар йиса садра чи кIвалериз къвезвай багьа мугьман я. Къуй чал кьил чIугвазвай мугьманар, хабарар Къурбанд сувар кьван экуьбур, кIанибур, руьгьдиз чимибур, хъсанбур хьурай!

Куьне кьазвай садакьаяр, ийизвай дуьаяр, цIи гьяждал фидай мумкинвал хьанвай чи стхайрин ва вахарин гьяж Аллагьди кьабулрай! Дуьнья ислягь хьурай! Амин!

«ЛЕЗГИ ГАЗЕТДИН» редакциядин коллектив