2016-2017-кIелунин йисуз РД-дин студентри ва дипломар гвай жегьил пешекарри малуматрин технологийрин хиляй”IT-Планета” международный X Олимпиадада, сад лагьай сеферда тушиз, иштиракна.  Адан сергьятра аваз жуьреба-жуьре хилерай конкурсар кьиле тухвана. Конкурсрин тешкилатчияр международный зурба компанияр тир. Абурун арада “IT-Планета” Олимпиададин генеральный амадаг  АТConsulting, Intel, IC, Cisco, Контур, ГНУ/Линуксцентр ва масабур ава. Олимпиададин кьилин макьсад ИТ-образованидин ери хкажунин ва жегьил пешекарар кIвалахдалди таъминарунин мураддалди Россиядин ва СНГ-дин уьлквейрин бизнес-къурулушар ва образованидин институтар агудун я.

Вири санлай хкядай турра дуьньядин 12 уьлкведай тир 17 агъзур студентди ва дипломар гвай жегьил пешекарри чпин къуватар ахтармишна. Дагъустан Республикадай и олимпиадада 133 касди иштиракна, абурукай 3 кас чпин вилик эцигнавай имтигьанрай агалкьунралди  экъечIна, абуруз международный финалдиз теклифнавай.

Мукьвара Сочида “IT-Планета” Олимпиададин финал кьиле фена. Ана  “Программирование”, “Мобильные платформы”, “Телекем” ва маса номинацийрай гъалиб хьайи, чебни Россиядай, Украинадай, Белоруссиядай, Къазахстандай, Эрменистандай тир (яшар 26-далай виниз тушир) 360 касди чпин алакьунар къалурна.

Чи корр.