Эхиримжи йисара Дагъустанда кьакьан мертебайрин кIвалер эцигзавай карханайрин кьадар артух хьанва. Ихьтин шартIара кIва­лер маса къачудай ния­тар авай муьштерийриз чпин хизандиз геле­жегдин муг гьинай маса къачуртIа хъсан ятIа та­йинариз четин жезва. Чи йикъара, жуьреба­-жуьре застройщикрин къанунсуз гьерекатар себеб яз, гъилевай пуларни тIач хьана, кIва­ле­­рикайни тахьана, инсанар суд-дуванра гьат­завай дуьшуь­шар­ни тIимил авач. Гьа­­ви­ляй гзафбур их­ти­бариз жедай, умудлу, къи­ме­тарни багьа ту­шир, хъсан еридин кIва­­лер эцигзавай компанийрин суракьда къе­­къвез­ва. Къадим Дер­бент ше­гьерда кьа­кьан мертебайрин кIва­­лер эцигзавай «Gachalav Group» кархана гьа ихьтинбурукай я. 2008-йисуз тешкилнавай и компанияди къенин йикъалди шегьерэгьлияр патал яшамиш же­дай вири къулайвилер авай 50 000 кв.м. арадал гъанва.

Эгер квез Дербент шегьерда цIийи кIвалер маса къачуз кIанзаватIа, “Gachalav Group” компаниядиз ша. Чун куь истемишунриз рази жедай жавабар гуз гьазур я.

Алай вахтунда карханади эцигунрин кьве комплекс гъиле кьунва: “Жемчужина Юга-2” (“Кьиблепатан гев­гьер”) (авай чка: Дербент шегьер, Сальманан куьче, 100) ва “Звездный город” (“Гъе­­терин ше­гьер”) (авай чка: Карл Марксан переулок, 47).

“Жемчужина Юга-2” комплекс гьар сада кьве подъезд авай 13 мертебадин кьуд кIва­ликай ибарат я. Эцигунра мягькем хьун патал монолитный технологийрикай менфят къачузва. Эцигунрин материални экологиядин жигьетдай михьиди, инсандин сагъламвилиз са зарарни авачирди я. КIвалерин гегьенш дакIаррай Нарын-къеле, Каспий гьуьл ва Дербент шегьердин гуьрчег имаратар аквазва. КIвалерин гьаятра машинар акъвазардай махсус чкаяр, аялар къугъвадай, ял ядай кьилдин майданар ава.

Лагьана кIанда, “Жемчужина Юга-2” комплексдин квартираяр, муьштеридихъ галаз ку­тIуннавай икьрарда къалурнавай вахтунин сергьятра аваз, газдалди, целди, электроэнергиядалди, домофондалди, кабелдин TV-далди, Интернетдалди таъминарзава. Лифт кардик кутазва. Комплексдиз мукьва туькве­нар, Сбербанкдин отделение, медицинадин клиника, автосервисар ва идараяр ава.

Чи адрес: Дербент шегьер, Сальманан куьче, 100.
Телефондин нумра: 8(928) 876-76-76.
Гьяд йикъар авачиз сятдин экуьнин 9-далай нянин 6-далди кIвалахзава.

“Звездный город” комплексдин яшайишдин проектдикай рахайтIа, гьамни монолитный технологиядин бинедаллаз эцигзава (кIвалер 16-20 мертебадикай ибарат жеда). Квартираяр 1,2 ва 3 кIвалинбур я. “Жемчужина Юга-2” комплексдиз талукь кьетIен­вилер и проектдизни хас я.

«Gachalav Group» компанияди эцигзавай кIвалера 1 кв.м. 18500 манатдай маса гузва. Жегьил хизанривай дидевилин капиталдикай хийир къачуз жезва, карханади сертификатар кьабулзава. «Gachalav Group» компанияди кIвалерин еридин жавабдарвал чпин хивез къачунва. Муьштерияр нарази жедай са гьерекатдизни рехъ гузвач.