— Бедендин органрин жуьреба-жуьре чкайрал кистаяр алайла, агъадихъ галай рецептди хъсан куьмек гуда. Паркьулдин пешер як регъведай машиндай авадарна, миже хкудна(700 мл), банкадиз цада, ахпа адак 700 мл кагор чехир ва 700 г вирт какадарна, хъсандиз хуькуьрна, 10 юкъуз мичIи чкада эцигда. 10 йикъалай сифте гьафтеда чайдин са тIуруна авайди, кьвед лагьай гьафтеда ва адалай гуьгъуьнизни десертный тIуруна авайди ишлемишда.
— Кьил тIазвайла, гьар экуьнахъ ичIи рикIелай са стаканда авай некIедин цIвегь хъун ва гьакIни нашатырный ва камфордин спиртдин къаришмадай (сад хьтин паяр) нефес чIугун меслят къалурзава.
Мадни кIвалин вечрен са кака стакандиз хана, ргазвай нек илична, хуькуьрна тадиз хъвада.
— Хамуник шуьтруь лекеяр квайла касторкади куьмек гуда. Йикъа 3-4 сеферда лекейривай касторкадин ягълу гуьцIайла, сифте абур экуь жеда. Ахпа са кьадар вахтундилай, лекеяр михьиз квахьда.
— Хуквада хер авайла, чIухлумпIар як регъведай машиндай авадарна, вирт (1:1) хуькуьрна, чими чкада эцигда. Ахпа са вацран вахтунда фу недалди вилик йикъа пуд сеферда хуьрекдин са тIуруна авайди ишлемишда.
— Вилер галатнавайла, са гъапа авай пурнийрал 1,5 стаканда авай ргазвай яд илична тада, ахпа ам са тIимил къайила 0,5 чайдин тIуруна авай вирт хуькуьрда. Экуьнахъ ва нянихъ и къаришмадай жуна кьежирна, 20-25 декьикьада вилерал эцигда.
— Кьил элкъвезвайла, 300 г серг михьна, банкадиз вегьена, винелай банка ацIудалди эрекь илична, кьве гьафтедин вахтунда мичIи чкада эцигда. Ахпа йикъа са сеферда и къаришмадин 20 стIал стакандин кьатIа авай некIедиз вегьена хъвада. Са вацралай кьил элкъуьн ва кьил тIа хьун михьиз квахьда. И рецепт гзаф нетижалуди я.
— Гьар экуьнахъ фу недалди вилик са стаканда авай кузвай яд куьлуь-куьлуь хупIар ийиз хъвайитIа, хук хъсан михьи жеда ва бедендин сагъламвилизни еке хийир гуда.
— Ивидин анализар хъсан туширла, лейкоцитар кьадардилай агъуз ятIа, са стаканда авай гергеррал 3 л яд илична, зайиф цIал эцигна, 5-6 сятда ргада. Ахпа ам куьзна, йикъа пуд сеферда фу нез зур сят амайла 1,2 стаканда авайди хъвада.
— Ксудалди вилик чIутран цуькверин чай хъвайитIа, йифиз хъсан ахвар къведа. Ам икI гьазурда: хуьрекдин са тIуруна авай аптекадай маса гузвай чIутран цуькверал 1 л ргазвай яд илична, 15 декьикьада тада. Ахпа ам са стаканда авайди, чай хьиз, хъвада. Ихьтин чайди ратарин кIвалахни хъсанарда.
— Зигьин хъсанарун, кьил гижи тахьун патал кьурурнавай жикIияр куьлуь авуна, зур литрдин банка ацIурна ва винелай 2/3 стаканда авай эрекь илична, гьар юкъуз юзуриз 2 гьафтедин вахтунда мичIи чкада хуьда. Ахпа ам куьзна, шекердин кIусунал 20 стIал вегьена ишлемишда.

“Айболит” газетдай.
Гьазурайди — Надият Велиева

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя