Муьшкуьр магьалдай тир Салигьан хва Абдулрашид вичин девирда Лезгистанда ва къунши вилаятра бажарагълу­ шаир ва илимдар яз машгьур хьана. Адан уьмуьр араб уьлквейра вини дережадин­ инсанрихъ галаз алакъайра аваз фена­. Ам монголрин Хулагу хандин кьушунди­ Ирандал ва Иракдал авур гьужумрин, Багъдад шегьер чукIурунин шагьид хьана­.

«Багъдаддин сед» шиирда ада кхьизва:

АтIай кьилер ивид къене,

ЧкIай кIвалер хьана кIане…

Эллерикай ийиз лукIар,

Багъдаддиз са чIед (шад югъ)

акурд туш,

Ихьтин чIехи сед акурд туш.

Чаз Муьшкуьр Абдулрашидан насигьатдин «Гацум жемир» шиирни чида:

Гьар гаф рикIи чIугваз тахьуй…

Гаф гарарив гумир вуна…

Харари вун гатайтIани,

Усал хьана гацум жемир…

Муьшкуьр Абдулрашидакай малуматар «ЧиРагъ» журналда ганва (2010-йис, №7).

«Лезги газетдин» 2026-йисан 3-нумрадай.