Газадин гъалибвал
Шад эвез атана чаз Газадай,
Шад ванерин ван къвезва чаз алемдай.
Шад я къе алемдавай мусурманар,
Шад я къе Аллагь рикӀел алай инсанар.
Мад Газада дявеяр гьич тахьурай,
Мад алемда къал-дяве гьич тахьурай.
Гьамишанда куь кьилел цав-рагъ хьурай,
Гьамишанда бегьер гудай багъ хьурай.
16.01.2025-йис
Палестина
Са йис хьанва дяве аваз
Палестина гьукуматда.
Мусурманар ягъиз-тергиз
И алчах гьукуматда.
Аял, диде лугьун тийиз,
Ягъ ийизва, рекьизва.
Палестина накъвара тваз,
Кесиб инсанар тергзава.
Иншаллагь, жеда гъалиб,
Халикьди рехъ ачухда.
Мусурман эл жеда гъалиб
Сад Аллагьдин къуватдалд.
«Лезги газетдин» 2025-йисан 7-нумрадай.
_________________________________________
Шамил Мамедоваз
Къагьриманрин кӀвенкIве аваз,
ТӀаратӀ гваз вун къекъведа.
Гьич чидайд туш кичӀевал ваз,
Къуччагъ хьиз вун акъвазда хура.
Са чӀавузни жемир зелил,
Алад вилик вун, Шамил.
Са чӀавузни ад квадармир,
Ви тӀвар хуьх на, стха Шамил.
Зурбадаказ кьаз кьуршахар,
Къазанмишда на гъалибвал.
Сад Аллагьди гайи кьегьал,
Белиждин лекь вун, Шамил.
«Лезги газетдин» 2025-йисан 15-нумрадай.
___________________________
Даурен Куругълиеваз
Бубадин хиял: вун алемдиз
машгьур хьун,
Дидедин хиял: вун эфлакьдиз
машгьур хьун —
Лезги халкьдиз сад Халикьди
ганва чаз,
ВикӀегь, уьтквем, лайихлу хва
Даурен.
Хизандини вал дамахда гьамиша,
Мукьвабуруни тарифда ви
гьамиша.
Тухумдин рикӀ гьамиша на
шадарда,
Куругълийрин такабур хва
Даурен .
Цнал хуьруьн такабур хва Даурен,
Лезги халкьдин даях я вун,
Даурен.
Дагъустанди ваз датӀана икрамда,
Хатур-гьуьрмет ийизва ваз,
Даурен.
Шиирни ваз кхьенва къе Мурада,
Кьабул ая хъсандаказ, Даурен.
Лезги халкьни гьамиша
вахъ галазва,
Яшамишрай чи кьегьал хва
Даурен!
Курарин хуьр
Хив районда са хуьр ава,
А хуьруьн тӀвар язва Курар.
Машгьур ксар акъатай хуьр,
Чи бубайрин хуьр я Курар.
Хайи ватан рикӀелай фич,
Гъурбатда жув аватӀани.
Чи дувулар, несиларни
Са чӀавузни квахь тавурай.
Рехи дагълар, яйлах-чуьллер,
Авазва вахъ, Курарин хуьр.
Куьре патан я куьн гъетер,
Дамахда квел, Курарин хуьр.
«Лезги газетдин» 2025-йисан 27-нумрадай.
