Гуьлнара  Вагьабова,

Белиж поселокдин 3-нумрадин ­мектебдин муаллим

 

Чи мектеб

Мектеб авай Белижда чи магьледа,

Секуьл ятIан, бегьер гузвай алемда.

Тарсар гуниз муаллимар эркин тир,

Чирвал къачуз аяларни кIвачин тир.

 

Секуьл ятIан, къене адан рикI авай,

Тарс гузавай аялривни дамах гвай.

Пешекарар акъатзавай пара тир,

Тарс гузавай муаллимар гара тир.

 

Йикъар физвай цIийи ийизвай ширерал,

ЧIур хьай чка хъийизавай михерал.

Перде-мерде яна, михьиз чIагурдай,

Балаярни вири аниз ракъурдай.

 

Са юкъуз чаз ванер хьана агалдай,

Авай вири балаярни чукIурдай.

«Чи балаяр чна гьиниз ракъуррай?

И гафарин ванни чи низ атурай?!»

 

Лугьуз диде-бубаярни къарагъна.

«Чи ван ша тIун!» — лугьуз, абуру гьарайна.

Язух халкьар акъат хьана сегьнедиз,

Ван хьуй лугьуз хуьре авай кавхадиз.

 

Амма кавха кавал галаз ксанвай,

И кар халкьди лап рикIивай кьатIанвай.

«ЗатIни квевай жериди туш, — лугьузвай, —

Такьат авач, эциг жер туш ам квевай».

 

Зун аялрин диде-буба, векил я,

Заз кIаниди чи ванер квез атун я.

Чи аялрин мектеб анал хкун я,

Квез и гаф чи лап рикIивай лугьун я.

 

Гьамишанда мектебра  тарсар хьурай,

Муаллимри аялризни тарс гурай!

Аялринни шад ванер чаз атурай,

Дуствилелди мектебар чи ацIурай!

«Лезги газетдин» 2025-йисан 7-нумрадай.