Сифте бала

Чан дидедин сифте бала,

Ви сес рикIин я хьи гъала.

Хурун нефес, руьгьдин гьевес,

Чан дидедин сифте бала.

 

Амма вучда, масан бала

Фад къакъатна, хьана яргъа.

Ягъайди хьиз бахча цIара,

Къайи хьана кьведан ара.

 

Чан дидедин сифте бала,

Бубади вун хвена вилив.

Бадедин вун тир хьи билиг,

Вахъ гилани вил гала…

 

Кьегьалдиз

Цавун аршдиз физвай кьегьал,

Виридан вил жеда хьи вал.

Вири крар жеда гьалал,

Жагъайди хьиз, къведа агьвал.

 

Бахтлу диде я вун хайид.

Аллагь я ваз а бахт гайид.

Даим хьурай кIвале гьуьрмет,

Аквадач гьич са гъвел зегьмет…

* * *

Гьар жуьредин лифер ава,

И дуьньяда кефер ава.

Гьар инсандихъ дердер ава,

Къекъвей-къекъвей рекьер ава.

 

Чидач, гьи рехъ я ваз кьисмет,

Хийирлу хьуй физвай сефер.

Маса крар мийир гуьзет,

Бахтари ваз багъишрай хъвер.

Ахцегь

«Лезги газетдин» 2019-йисан 47-нумрадай.

_______________________________________________________