Ильяс  Дадашев,

Фиригърин СОШ-дин 8-кл. ученик

 

Гьуьлуьн инсанар

 

Лезгияр, квез лугьузвай

«Гьуьлуьн инсанар»,

Регьим аваз: «Ачух тир

Гъилин инсанар».

 

Ветегаяр гуьрчегар

Ийизвай куьне.

Зегьметдалди, чил – турар

Туна хьиз къуьне.

 

Чидачир квез секинвал

ЯтIа авай затI,

Агъзур лепе манидив

Ийиз йикъа кьатI.

 

Гана куьне гьуьлуьзни

Чи чIалан къуват.

Тарихдани рикIелай

Тийидай алат.

 

Лезги мани лепеда

Мержан хьанва са,

Гьунаррикай кьисайрин

Кьакьан хьанва са.

 

Гила кьванни кьан чна

Къизилдин балугъ,

Сад хъийидай миллет чи

Гун адаз буйругъ.

 

Буржи я чи тамамар

Авун и кIвалах.

Хьун паталди уьмуьрда

Алванрин яйлах.

 

Лезгияр я, гьакъикъат,

Гьуьлуьн инсанар,

ЧIалаз – гьуьлуьз вафалу

Чилин инсанар.

«Лезги газетдин» 2023-йисан 30-нумрадай.