Зейнудин Батмановаз

 

Гатфар юкъуз кIвачин хьана

Тамуз-тараз килигиз.

Тамун юкьваз акъатайла,

Са ван хьана япариз.

 

Гьерекат кваз зверна ада

Ван къвезвай патахъ.

Хизан кьунвай зулумкарри

Гъилевай яракь.

 

И гьал акур Батманова

Хъувунач фикир.

Хизан азад авун патал

Вич хьана есир.

 

Чарабурун уьмуьр патал

Чан гана хци.

Къагьриманвал машгьур хьана

Уьлкведиз вири.

 

Урусатдин Игит лагьай

ТIвар гана адаз.

Батманован тIвар кьазва къе

Баркалла алаз.

 

Кьегьалдин ирс давамзава

Несилри уьтквем.

Къагьриманрин сихилдин

Диб хьурай мягькем!

«Лезги газетдин» 2021-йисан 25-нумрадай