Гьуьрметлу лезгияр, «Лезги газет» кхьихь!

Играми лезгияр!

2017-йисан 2-пай патал «Лезги газетдин» подписка гатIуннава.

Ам квевай почтарин отделенийрай (кIвализ ахгакьарун патал 6 вацра — 410 манат, абонентрин ящикрай (до востребования) — 385 манат), «Дагпечатдин» киоскрай (6 вацра – 250 манат) ва «Лезги газетдин» бухгалтериядай (редакциядай хутахиз хьайитIа, 6 вацра —162 манат) кхьиз жеда.

Агъадихъ Махачкъала, Каспийск, Буйнакск, Дербент, Избербаш, Къизляр, Къизилюрт, Дагъустандин Огни, Хасавюрт ва Бабаюрт шегьерра «Дагпечатдин» киоскрин адресар гузва.

Урусатда ва къецепатан уьлквейра авай чи ватанэгьлийрин фикирдиз!

 Гьуьрметлу стхаярни вахар! Квевайни хайи лезги чIалал акъатзавай «Лезги газет» кхьиник куь пай кутаз жеда. Куь хайи хуьре, районда, шегьерда авай багърийриз – дидедиз, бубадиз, стхадиз, вахаз, миресдиз, къуншидиз «Лезги газет» кхьихь! Къуй ам куь патай мукьва-кьилийриз ийизвай савкьат хьурай! Идалди куьне гьа са вахтунда лезги чIал хуьникни еке пай кутазва.

Мукьва-кьилийриз «Лезги газет» гьикI кхьида?

1.Куьне газет кхьизватIа, гьа касдин адрес (уьмуьрзавай чка – хуьр, шегьер, куьче, тIвар, фамилия, бубадин тIвар) 8-963-424-73-01 нумрадиз тел (сообщение) кхьиналди, рекье тур;

2.6 варз паталди почтадин отделенидай кIвализ ахгакьарун патал «Лезги газет» кхьинин къимет 410 манат я. И кьадар пул  Сбербанкдин картадин 5469 6000 2456 9592 нумрадиз хъивегь;

3.Тайин касдиз (тIвар, фамилия, бубадин тIвар къалура) газет кхьин патал винидихъ къейднавай картадин нумрадиз пул хъивегьнавайдакай телефондин 8-963-424-73-01 нумрадиз тел кхьиналди, хабар це.

Чна квез куьне лагьанвай касдиз газет кхьенвайди тестикьарзавай чекдин шикил рекье хутвада.

Дагъустанда авай чи ватанэгьлийривайни (почтадиз ва я киоскдиз фидай мумкинвал авачирбурувай) винидихъ къейднавай къайдада «Лезги газет» кхьиз жеда. «Лезги газет» гьамиша куь къуллугъда акъвазнава. Ша, чна, вирида, санал лезги чIалал акъатзавай «Лезги газетдин» деража мадни хкажин.

«Лезги газетдин» сайт: https://lezgigazet.ru/

Гьуьрметдивди, «Лезги газетдин» редакциядин коллектив

 

Подпишитесь на наши каналы:

Читайте также:

Добавить комментарий

Войти с помощью: 

Новости партнеров