Вичин таяр — туьшерихъ галаз Славикни гьамиша тупунин гуьгъуьна жедай. Гагь — варцел, гагьни — вацIун кьере. Футболни волейбол адан лап рикI алай къугъунриз элкъвенвай. Куьчейрин командаяр, абурун арада акъажунар тешкилдай.

Къе курхуьруьнви Славик Сагьидов  республикада тIвар-ван авай спортсмен — волейболист я. 1987-йисуз дидедиз хьайи Славикан рикI гьа гъве­чIи чIа­валай башламишна спортдал алай. Вичин буй-бухах, кьезилвал фикирда кьуна, ада волейбол хкяна. Ам мектебда кIел­дайла, армиядин жергейра къуллугъдайла ва ДГУ-да экономикадин факультетда кIелна куьтягьдалди волейболдай хкягъай командайрик кваз къугъваз хьана.  Командадик кваз адалай вири везифаяр алакьзава: ам гьужумдайдини я, подачаяр ядайдини ва акъудзавайдини я, защитникни. Ада вичи-вичел кIвалахзава, спортдин цIийи сирер чирзава.

Армиядай старший сержант яз хтай спортсмен Славика, Москвадиз фена, гьукуматдин эцигунрал кIвалахнай. Арбитраждин суддин дараматар эцигуникни ада вичин пай кутуна. Къе Славик райондин ОВД-дин къуллугъчи я. Спортдивайни Славик са чIавузни къакъатзавач. Полициядин къуллугъни ада намуслувилелди, кьилиз акъудзава. Славикан иштираквал аваз РОВД-да волейболистрин команда кIватIзава.

Райсудин Набиев

ОСТАВЬТЕ ОТВЕТ

Войти с помощью: 
Пожалуйста введите ваш комментарий!
Введите ваше имя