10-ноябрдиз республикадин МВД-дин дараматда РФ-дин къенепатан крарин органрин къуллугъчидин йикъаз талукьарнавай шадвилин мярекат кьиле фена.
Адан сергьятра аваз, Дагъустандин регьберди, вичин гъилихъ галай сят галудна, чи ватанэгьли, РФ-дин МВД-дин РД-да авай полициядин начальникдин заместитель Агьмед Къулиеваз гана. В.Васильева къейд авурвал, ихьтин савкьат гуналди, ада офицервилин буржи кьилиз акъудна. Ада малумарайвал, 2007-йисуз терроризмдиз акси серенжемар кьиле тухунин жигьетдай вилик эцигай тапшуругъар Агьмед Къулиева чешнелудаказ кьилиз акъудна.
РикIел хкин, а чIавуз В.Васильева Россиядин МВД-дин тешкиллу тахсиркарвилерихъ галаз женг чIугунин рекьяй Кьилин управленидин начальникдин сад лагьай заместителдин везифаяр тамамарзавай.
«Лезги газет»
