4-июлдиз Кьурагь райондин кьилин заместитель Махач Хариева КIирийрин  хуьряй тир Алиев Гьамид Жамалдиновичав яшайишдин 1431342 манатдин кьадардин сертификат вахкана.

Гь.Алиева пуд вацра 1988-йисуз Чернобылдин АЭС-дал хьайи авариядин нетижаяр арадай акъудунин кIвалахра иштиракна. Яшамиш жедай кIвалин шартIар хъсанарун патал ам 2008-йисалай учетда акъвазнавай. Сертификат вахкудай чIавуз Махач Хариева Гьамид Алиеваз РД-дин зегьметдин ва яшайишдин рекьяй вилик финин министерстводин, райондин администрациядин патай и кар тебрикна, Россиядин Гьукумат дяведин ва зегьметдин ветеранрив, набутрив, жуьреба-жуьре рекьерай игьтият авай агьалийрив къайгъударвилелди эгечIзавайди къейдна.

Вичин нубатда Гь.Алиева сертификат вахкунай республикадин ва райондин руководстводиз сагърай лагьана.

Алван Рамазанова