Дербентда яшамиш жезвай миграгъви хва, хъсан карчи, тешкилатчи, мугьманперес ва инсанперес, яр-дуст, амле, мирес кIани Рамиз  Исмихановаз:

Тарифда ви, я лугьуз вун Лезги хва!

Авайвиляй рикIе таъсиб,  жезби, хва.

Туш им кьисмет са ни ятIа  багъишай,

Вун экечIда мелек пер гваз гьамиша.

 

Са бязидаз и кар пичIи мах я са.

На лугьуда: “Женгина хьун бахт я са!”

Секинарда ийизвайди харчивал,

Вилик кутаз камаллувал,  карчивал.

 

Вилив хвенач цаваривай  кьезилвал, 

Вахтунилай вилик къвана  “къизил” вал.

Худади хуьй хуьрерин хвеш  хару яз,

Вун лагьайтIа, дамахдин  арш — пару яз!..

 

И тебрикар кхьейди ви езне я,

Вах, хтулар — ацIай михьи  везнеяр.

Ви хизанар, къавум — къардаш, багърияр —

Вири сагърай, шадрай,  даим дири яз…

Ви 65 йисан юбилей тебрикзавай Мерд Али, вах Раият, хтулар, мукьва-кьилияр, багърияр — миграгъвияр,  гарагъвияр, вири вун кIанибур.