Кьасумхуьруьн Аминован куьчеда 100 метрдилай яргъи мензилда тротуар туькIуьрунин кIвалахар кьилиз акъудна. Идакай «Лезги газетдиз» Сулейман-Стальский райондин официальный сайтди хабар гузва.
Къейдзавайвал, тIвар кьунвай куьче гьамиша инсанар гьерекатдик квайди я, рекьин къерехдай къекъвезвай инсанар патал пис гьалда авай тротуарди къулайсузвал арадал гъизвай.
Алай вахтунда, инсанар къекъведай рекьин къерех, ана махсус плита туналди, Аминоврин хизанди чпин такьатрихъ хъсан гьалдиз гъанва.
Кьилиз акъудай регьимлу кардай Аминоврин хизандиз агьалийри чухсагъул лугьузва. Рекьин къерех абадунал абуру гзаф разивалзава.
«Лезги газет»
