Играми аялар, дидеяр, бубаяр! Куь театрдал рикI алани? Квез лезги тамашаяр сегьнедал эцигунин карда мукьувай иштирак ийиз кIанзавани?
2019-йисан 10-августдилай Баку шегьерда Лезги аялрин театр кардик акатда. Тамашаяр хайи чIалал эцигда. Аялривай чпин алакьунар къалуриз, дидед чIал хуьнин ва вилик тухунин кардик пай кутаз жеда. Идакай публицист Севда Азизовадин «Фейсбукда» авай чина хабар гузва.
Лезги чIал чир хьун кьилин шартI я. КIватIалдиз — 5- 11 яшарин аялар атана кIанзава.
ЦIийи театрди гзафни-гзаф алакьунар авай аялар винел акъуддайдан чIалахъ я чун.
Чпин алакьунар къалуриз кIанзавай аялрин диде-бубайривай агъадихъ галай телефондиз зенг авун тlалабзава чна: 0506118818.
«Лезги газет»
