Кьурагь районда Россиядин ОМВД-дин цIийи дарамат саки эцигна куьтягьнава. Идакай «Лезги газетдиз» Кьурагь райондин пресс-къуллугъди хабар гузва.
Эцигунин кIвалахрив 2017-йисан августдиз эгечIнай. Кьуд мертебадикай ибарат дараматдилай гъейри, комплексдихъ спортдин корпусни, тир ва котелар авай чкани гала.
Чешмеди къейдзавайвал, дарматдин кIвалахар куьтягь хьуникди Кьурагь хуьруьн «Чкъа» магьалдин агьалийрини шадвалзава. Малум хьайивал, къейднавай дарамат эцигдайла и магьалдихъ физвай дигидай яд акъвазна. Агьалийрин емишрин тарар саки кьуразвай. Абуру эцигунрин кIвалахар тамамвилелди куьтягь хьайидалай кьулухъ дигидай яд гуьнгуьна хтуник умуд кутазва.
Дараматдихъ галай мулкар абадун патал электросетдин дестекар, интернетдин ва телефондин алакъаяр кардик кутун чарасуз я. Ихьтин кIвалахар тамамардайла са куьруь вахтунда эквер, интернет ва телефондин алакъа хкудунни мумкин я.
«Лезги газет»
