Дагъустандин энергосбытовой компаниядин пресс-къуллугъди хабар гузвайвал, июндин эвел кьилерилай гатIунна, республикадин меркезда авай са шумуд карханади экв ишлемишунай хьанвай 2 миллион манатдив агакьна буржар вахканва. И делил “Россети Северный Кавказ” ва “ДЭСК” ПАО-дин пешекарри кьиле тухвай мярекатрин (рейдрин) нетижа я.

Кьилди къачуртIа, “Азимут” АО-ди — 450, “Ш.Р.М.” ООО-ди 250 агъзур манат бурж вахкана. Абурулай стоматологийри, улакьар чуьхуьдай чкайри, туьквенри ва маса карханайри чешне къачуна. “Копеечка” тIвар алай туьквендини и йикъара 523 агъзур манат бурж вахкун хиве кьунва.

“ДЭСК” ПАО-дин регьбердин гафаралди, экв ишлемишунай вахтунда пул тагайла, и кьадардин винел артухан пул, жермени алава хъжезва. Гьавиляй вахтунда экверин пул гун гьар са касдин хийирдиз я.

«Лезги газет»