Бязи вахтара тIебиатди гьич вилив хуьн тавур хьтин аламатар къалурда. Ислен юкъуз Дагъустандин дагълух са шумуд районда жив къвана. Республикадин Гидрометцентради ТАСС-диз хабар гайивал, ЦIунти районда чилел 3 см кьван жив ацукьна.
Гидрометцентрадин векилди алава хъувурвал, республикада лугьудай хьтин мекьивилер жедач. 2-июлдилай виринра чими жеда. Месела, Махачкъалада чимивал 30 градусдилай алатда.
Гатун цикIиз жив къвайидакай чаз Агъул, ЧIарода ва Къули районрин агьалийрини хабар гана. Абуру интернетдин жуьреба-жуьре сайтра и кар тестикьарзавай шикилар, видеороликар эцигнавай.
«Лезги газет»
