РД-дин образованидинни илимдин министерстводин пресс-къуллугъди «Лезги газетдиз» хабар гайивал, алай йисуз Дагъустанда 22 касди гьукуматдин имтигьанар 100 балл къачуналди вахкана.
Урус чIалан ЕГЭ-дай 100 балл 11 выпускникди къачуна. Химиядай, информатикадай, математикадай, тарихдай, биологиядай, обществознанидай 100 балл къазанмишай выпускникарни хьана. Чешмеди къейдзавайвал, виш балл къачурбурукай 18 выпускник махачкъалавияр я.
РД-дин образованидинни илимдин министр У.Омаровади агалкьунралди гьукуматдин кьилин имтигьанар вахкайбур тебрикна. Ада къейд авурвал, алатай йисав гекъигайла, виш балл къачурбурун кьадар алай йисуз артух хьана.
2019-йисуз Дагъустанда санлай 12 агъзур выпускникди ЕГЭ вахкана.
«Лезги газет»
