26-июндиз Мегьарамдхуьруьн райондин кьил Ф.Агьмедова хсуси месэлайрин патахъай агьалияр кьабулна.
«Лезги газетдиз» райадминистрациядин пресс-къуллугъди хабар гузвайвал, нубатдин серенжемда райондин кьили 9 агьалидихъ яб акална. Абур яшайишдин жуьреба-жуьре хилерихъ галаз алакъалу месэлаяр гьялунин карда куьмек герекзавайбур тир.
Кьилди къачуртIа, чилериз, чилин участокриз талукь документар кардик кутуниз, кIвалахдалди таъминаруниз, хъвадай цин месэлаяр къайда тирвал ишлемишуниз талукь месэлаяр къарагъарна.
Вири месэлайрин патахъай райондин кьили агьалияр кьилди-кьилди гъавурдик кутуна. Къейдзавайвал, бязи месэлаяр чкадал гьялна, муькуьбур гьялунин гьакъиндай талукь тир жавабдар къуллугъчийриз тапшуругъар гана. Гайи тапшуругъар кьилиз акъудунал райондин кьили вичи гуьзчивал тухуда.
«Лезги газет»
