26-июндиз Кьурагь хуьруьн спортдин майдандал и райондин 90 йисаз талукьарна, спортдин милли жуьрейрай акъажунар кьиле фена. Идакай «Лезги газетдиз» райадминистрациядин пресс-къуллугъди хабар гана.

Райондин спортдин ва жегьилрин крарин рекьяй отделдин начальник Р.Рамазанован регьбервилик кваз къван гадарунай, чукурунай, турникдал къугъунай, цIил ялунай, гиря хкажунай кьиле фейи акъажунра райондин хейлин хуьрерин жегьилри чпин къуватар алцумна.

Акъажунрин нетижада вири жуьрейрай 1-3 лагьай чкаяр кьур пагьливанар тайинарна. Кьурагь район арадал атайдалай инихъ 90 йис тамам хьуниз талукь гурлу мярекатар кьиле фидай вахтунда командайрин умуми агалкьунар Кьурагь райондин кьил Замир Азизова кубокралди къейддайвал я.

 «Лезги газет»