Исландия Атлантический океандин кеферпата авай островдин гьукумат я. ТIебиатдин шартIар лап мишекъатбур хьуниз килигна,  аниз инсанар анжах  IX-асирдиз атана. Рейкьявик виридалайни кеферпатан меркез я. И уьлкведин инсанри адетдинбур тушир хуьрекар ишлемишда.

Исландиядихъ яракьлу къуватар авач. Къерехра къаравулда акъвазнавайбурувни, гьатта полициядин къуллугъчийривни гуьлле алай яракьар вугузвач.

И уьлкведин агьалийрихъ фамилияр авач, абуру тIварцIихъ галаз бубадин тIвар ишлемишзава. Аял хайила, адан тIвар махсус сиягьдай хкязава. РикIиз хуш тIвар анай жагъун тавуртIа, и месэладин патахъай гьукумдарриз хабар гун ва абурал меслят авун лазим я.

Исландиядин мулкара ракьун рекьер эсиллагь авач. Мад са кьетIенвал ам я хьи, и уьлкведа ветIер эсиллагь жедач. 1989-йисан 1-майдилай Исландиядин агьалийриз пиво маса гун ва хъун къадагъа авунва. Исятда лагьайтIа, пиводал къадагъа эцигай югъ милли сувар хьиз къейдзава.

Гьазурайди — Куругъли Ферзалиев