Ачух я рекьер

ЦIусад йис идлай вилик,

Ашкъи ргаз рикIера,

Куьн школадиз  атанай,

Цуьквер аваз гъилера.

 

Югъ-йикъахъ къвез, цIусад йис

Акваз-такваз алатна.

Школадин шад йикъар,

Уьмуьр бахтлуз акъатна.

 

Эхиримжи зенгни  къе,

Ингье квев хуш рахана:

— Гележегдиз-уьмуьрдиз

Къачу къадам, — лагьана.

 

— Михьи цав хьуй кьилел куь!

Алад, хьурай хуш сефер.

ЧIехи илимдиз гегьенш

Ачух язва квез рекьер.

Мариян  Бугаева, Махачкъаладин 40-нумрадин школадин муаллим