27-майдиз Кьурагь райондин администрациядин заседанийрин залда райондин кьил Замир Азизован регьбервилик кваз райондин идарайринни тешкилатрин жавабдар къуллугъчийрин иштираквал авай гьафтедин совещание кьиле фена. Идакай «Лезги газетдиз» райадминистрациядин пресс-къуллугъди хабар гузва.
Нубатдин совещанидал алатай гьафтедин нетижаяр кьуна ва вилик квай гьафтеда гьялна кIани месэлайриз килигна.
Вичин докладда РД-дин 2-нумрадин МРИ-дин ФНС-дин инспектор С.Къарахановади чилин ва эменнидин налогрин гьакъиндай арадал атанвай гьаларикай ва вилик кумай крарикай суьгьбетна.
Образованидин отделдин начальник Р.Катибова ОГЭ ва ЕГЭ вахкуз башламишнавайдакай малумарна. Ада къейд авурвал, имтигьанар кьиле фидай пунктар истемишунрив кьурвал тадаракламишнава. Гьа са вахтунда ада райондин мектебра кьиле фейи эхиримжи зенгинин шад мярекатра иштиракай къуллугъчийризни чухсагъул малумарна.
Совещанидал райондин ЖКХ-дин регьбер М.Османов, хуьруьн майишатдин ва чилерихъ галаз алакъалу отделдин начальникдин везифаяр вахтуналди тамамарзавай А.Фаталиев, информациядин технологийрин ва печатдин центрадин начальник Д.Халикьов ва масабур чпин идарайриз талукь кIвалахрикай рахана.
Эхирдай райондин кьил З.Азизова бязи жавабдар къуллугъчийриз везифайриз талукь тапшуругъар гана.
«Лезги газет»
