Алай вахтунда лезги халкьдин векилар Россиядин Федерациядин вири регионра яшамиш жезва ва абуру жуьреба-жуьре карханайра, идарайра, организацийра зегьмет чIугвазва. Хайи чиливай, халкьдивай яргъара аватIани абуру хсуси милливал, адетар, чIал, культура, искусство хуьн ва вилик тухун патал чпелай алакьдай крар ийизва.
И йикъара Нижневартовск шегьерда яшамиш жезвай лезгийри чкадин милли ва культурадин автономия (Нижневартовскдин ОО НЛНКА) тешкилна. Гуьгьуьллувилелди ва са фикирдал алаз авунвай и тешкиллу кIвалахдихъ лезги халкьдин милли культура хуьнин карда хъсан нетижаяр жедайдахъ инанмишвал ийиз кIанзава.
Милли культурадин автономиядин председателвиле Абдулазизов Къурбан Сиражединович хкянава. Чна адаз и къуллугъ рикIин сидкьидай тебрикзава.
Чи мухбир
