Махачкъалада яшамиш жезвай чIехи духтур, Республикадин онкологиядин диспансердин кьилин духтурдин заместитель, ери-бине Тагьирхуьруьн-Къазмайрилай тир Нурдин  Севзиханович  Севзихановаз:

Такабур я жив алай кьил Шалбуздин,

Ахьтин таъсиб жериди туш агъузди!

Сагъ жеда ам яргъалайни акурди, —

Гьахьтин лукьман Севзиханан хва Нурдин!

 

Ийич вичи артух яргъи рахунар,

Умудар хуьз, цIурурда чи бархунар.

Хабар кьада: “ГьикI я гьалар, имидин?”

Лув акатда чи рикIевай манидик!

 

Яшамиш хьухь мад виш йисуз чун патал,

Цаварини рекьер ачух гун патал…

Ви 70 йисан юбилей ва алукьзавай Майдин суварарни тебрикзавай Мерд Али, адан хизанар, ви ярар-дустар, багърияр…