Ахцегь хуьруьн вацIун къерехда авай мулкара гуьрчег парк арадал гъун патал талукь чарар-цIарар, архитектурадин проект, 3D визуализация гьазурнава. Идакай «Лезги газетдиз» райадминистрациядин пресс-къуллугъди хабар гузва.

Вири докуменриз РД-дин эцигунрин министерстводи разивал ганва. Ахцегьа арадал гъидай «ВацIун къерех» паркунин зона «Жилье и городская среда на период 2019-2024 гг» федеральный программадик кутунва.

Арадал гъидай паркунин мулкар са шумуд чкадал пайдайвал я: медениятдинни тербиядин мярекатрин пай; сагъламвал мягькемарунин пай; аялрин пай; секинвилелди ял ядай пай.

«Лезги газет»