8-апрелдиз Докъузпара райондин администрацияда райондин кьил Абдурагьим Алискерован регьбервилик кваз кьиле фейи совещанидал республикадин «150 мектеб» проект уьмуьрдиз кечирмишунин гьакъиндайни веревирдер хьана.

Райондин кьилин заместитель С.Гьажимурадова къейд авурвал, проектда иштиракун патал конкурсдин комиссиядиз талукь тир документар ракъурнава. Алай йисуз ихтилат физвай программадик Докъузпара райондин кьве мектеб кутадайвал я – Миграгърин ва Миграгъ-Къазмайрин.

Алатай йисалай кардик квай проектдин сергьятра аваз мектебрин дараматар са кьадарда ремонтзава, материалринни техникадин жигьетдай хъсанарзава.

2018-йисуз и проектдин сергьятра аваз Докъузпара райондин Къалажухрин ва Къаракуьредин мектебрин дараматра са кьадарда ремонтдин кIвалахар кьилиз акъудна.

 «Лезги газет»