И йикъара Ахцегь райондин кьил Осман Абдулкеримова Самур вацIуз гзаф яд атайла цик акатдай чкада тухузвай кIвалахар ахтармишна. «Лезги газетдиз» райадминистрациядин пресс-къуллугъди хабар гайивал, вацIун къерех хуьниз, адан хел чапла патахъ ахкъудуниз талукь кIвалахар кьиле физ са шумуд югъ я. Кар кьилиз акъудун патал райондихъ авай къуватарни такьатар желбнава.

КIвалах кьиле физвай гьалдиз килигдайла райондин кьилихъ райсобранидин председатель Абдул-Керим Палчаевни галай. Чкадал кIвалахдикай ГОЧС-дин ва ЕДДС-дин начальник Сердер Моллалиева баянар гана. Ада райондин кьил О.Абдулкеримоваз тестикьарайвал, гъиле кьунвай кIвалахар селлер къведай сезондалди акьалтIарда.

«Лезги газет»