БатIулдаз гьахъ лугьуналди,
Яд гъиз жеч гьич сафуналди.
СтIал СУЛЕЙМАН
Халкь патал хъсан крарихъ ялун кьегьалвал я.
Гьажибег ГЬАЖИБЕГОВ
Хъсанни пис айру ийиз вердиша,
Няс касдикай жува-жув хуьх гьамиша.
Зульфикъар КЪАФЛАНОВ
Са гьерекатди, са гъалатIди, акьулсуз, тадиз авур карди цIудралди инсанрин уьмуьрар хатадик, бахтикъаравилик кутазва.
Нариман ИБРАГЬИМОВ
Нагьахъвал бул авайла,
Гьахъ кIвалахар чIур жеда.
Лезги НЯМЕТ
Акьуллу кас, мецени, амалрини крари чир тавуртIа, мад чирдай са затIни авач.
Къияс МЕЖИДОВ
Инсанвал гьамиша хвена кIандай девлет я.
Гьаким КЪУРБАН
РикIе авай хирен дарман гунагьар хиве кьун я.
Жамиля ГЬАСАНОВА
ТIвар дегишун четин кар туш, алай тIвар кьацIур тавуна хуьн четин я.
Фейруз БЕДЕЛАХТУЛ
ТIебиатдин къанунрихъ галаз садавайни гьуьжетар ийиз тежедайди рикIелай ракъурна виже къведач.
Омар ГЬУЬСЕЙНОВ
Бязибуру кIвалахзава цIарарал
Бязибуру дамахзава тIварарал.
Шихзада ЮСУФОВ
Гьахъ кIан ятIа ваз — зегьмет вич гьахъ я.
Хуьруьг ТАГЬИР
Илимда, тарихда, культурада къалпвал яргъалди фидач, ам гьикI хьайитIани са юкъуз, фад-геж винел акъатда.
Расим ГЬАЖИ
КIватIайди — Куругъли Къалажухви
