31-мартдиз Ханты-Мансийск шегьерда какахьай текба-тек женгерай кьиле фейи УФО-дин (Уральский федеральный округ) чемпионат акьалтIна.
«Лезги газетдиз» «ЛезгиЯр» милли порталди хабар гайивал, 77 килограммдал кьван заланвилин дережада Сулейман-Стальский райондин Эминхуьряй тир спортсмен Муса Рамазанова гъалибвал къачуна. Мусади чемпионатда Сургут шегьердин спортсменрин жергеда аваз иштиракна.
Гила Муса Рамазанова 2-6-майдиз Москва шегьерда ММА-дай кьиле фидай Россиядин чемпионатда иштиракда. Къуй адахъ мадни гъалибвилер хьурай!
«Лезги газет»
