31-августдиз Докъузпара рай­ондин администрациядин засе­данийрин залда райондин Соб­ранидин депутатрин нубатдин сессия кьиле фена. Мярекатда РД-дин хуьруьн майишатдин ва суьрсетдин министр К.Абасова, Кьиблепатан округда РД-дин Кьилин патай тамам ихтиярар ганвай векил Э.Муслимова, До­къузпара райондин прокурор М.Назирова, Россиядин МВД-дин межмуниципальный “Ахтынский” отделдин начальник М.Агьмедова, райондин Собранидин депутатрин председатель А.Агьмедова, райондин Собранидин ви­ри депутатри, РД-дин Кьил Р.Абдулатипован къарардалди тайинарнавай, муниципальный райондин кьилин къуллугъдал кандидатар хкя­гъунин рекьяй тешкилнавай комиссиядин членри,  идарайринни тешкилатрин жавабдар къуллугъчийри иштиракна.

Сечкийра иштиракун патал документар Абдурагьим Мирзежанович Алискерова ва Абдул Гьажиевич Субгьанвердиева вуганвай.

Кандидатрикай райондин кьил хкягъунин месэла райсобранидин депутатри гьялна. Сечкийрин гьакъиндай тир вири къа­ну­нар вилив хвена, рейсадвилелди сесер гуналди, Докъузпара райондин Собранидин депутатри “Докъузпара район” МО-дин къуллугъдал Абдурагьим Мирзежанович Алискеров хкяна.

Вичин нубатда Абдурагьим Алискерова сессиядин иштиракчийриз, конкурсдин комиссиядиз, атанвай мугьманриз чlехи ва жавабдар къуллугъ ихтибар авунай сагърай лагьана.

Малум хьайивал, чкадин самоуправленидин органрин кlва­лахдин 2016-йисан нетижайриз килигна, Докъузпара районди РД-дин дагълух районрин арада 2-чка кьунва. Сессиядал 2-чка кьунин Диплом ва РД-дин кьи­лин­ Грант цlийиз хкянавай район­дин кьилив РД-дин хуьруьн майишатдин ва суьрсетдин министр Керимхан Абасова ­вахкана ва тебрикдин гафар лагьана.

Куругъли Ферзалиев