И йикъара Цуругърин хуьре «Ахцегь-КьакIар» дигидай цин къанал михьуниз талукь субботник кьиле фена. Идакай «Лезги газетдиз» райондин администрациядин пресс-къуллугъди хабар гузва.

КIвалах тешкилайди Цуругърин хуьруьн администрациядин кьил Шимсидин Мерданов я. Къанал зирзибилрикай, набататрикай михьунин кIвалах къизгъиндаказ кьиле фена. Ш. Мерданова къейд авурвал, къаналда халкьдиз бес жедай кьадарда датIана дигидай яд хьун патал ам михьунин кIвалах лап чарасуз я. Вилик квайди саларни никIер дигидай сезон я.

«Лезги газет»