Садрани магълуб тахьанвай лезгийрин машгьур спортсмен Максим Дадашева Филиппины гьукуматдай тир спортсмендин винел гъалибвал къачуна. Идакай «Лезги газетдиз» «ЛезгиЯр» милли порталди хабар гана.

Нубатдин бягьс ада филиппинви Рикки Сисмундо нокаутдиз ракъуруналди куьтягьна.

Бягьс 23-мартдиз Калифорнияда кьиле фена. Филиппинвиди сифтедай викIегьвал къалурнатIани, гьатта Дадашев нокдаундиз ракъурнатIани, адалай эхирдалди викIегьвал давамариз алакьнач. Кьуд лагьай раундда чи спортсменди ам гьасирдал ярхарна. Идалди Максим Дадашева вичин нубатдин 13 лагьай гъалибвал тестикьарна.

Къейд ийин, Максиман диде-буба Сулейман-Стальский райондин ДаркIушрин хуьряй я.

«Лезги газет»