И йикъара Докъузпара райондин образованидин управленида мектебра кIелзавайбурун арада «Шикилрал рикI алай жегьилар – 2019» конкурсдин муниципальный пай кьиле фена.

Конкурс «Къушар», «Вагьшияр», «Гьашаратар», «Хур галчIурдайбур» ва маса хейлин номинацийрикай ибарат тир. Гьар са иштиракчиди вичи хкягъай номинациядай чпин шикилар къалурна. Райондин УО-дин методист Р.Мегьамедханов кьиле авай жюридин дестеди аялрин кIвалахриз къимет гана, лап хъсан шикилар хкяна.

Нетижада пуд номинациядай гъалибчияр тайинарна. Гъалибчийрин вилик конкурсдин республикадин дережадин паюна иштиракунин месэла акъвазнава.

«Лезги газет»