Докъузпара райондин ЦIийи-Каракуьре хуьруьн ДЮСШ-да гъвечIи чIавалай тренер Амудер Шихмурадован регьбервилик азаддиз кьуршахар кьунал машгъул хьайи Фейзулагь Агъамирзоевакай и йикъара Россиядин чемпион хьана.

Жаван спортсменди икьван чIавалдини райондин ва республикадин дережадин жуьреба-жуьре акъажунра са шумудра агалкьунар къазанмишнай.

Мектеб куьтягьай 2017-йисуз ам Махачкъаладин СДЮСШОР-диз фена. Алатай йисалай ам Дербент шегьерда яшамиш жезва ва ина «Скорпион» клубда азаддиз кьуршахар кьунал машгъул я.

Россиядин кIвенкIвечивал патал кьиле фейи акъажунра гъалиб хьайи Фейзулагьахъ гележегда мадни зурба агалкьунар хьурай!

«Лезги газет»