И йикъара Ахцегь райондин образованидин управлениди райондин ТИК-дихъ галаз санал «РФ-да сечкийрин къайда ва сечкийрин ихтиярар» темадай брейн-ринг кьиле тухвана. Идакай «Лезги газетдиз» райадминистрациядин пресс-къуллугъди хабар гузва.
Ахцегьрин 1-нумрадин мектебда тешкилай серенжемда гьа и мектебдин, Ахцегьрин 2-нумрадин мектебдин, Къурукаларин мектебдин ва Калукрин мектебдин командайри иштиракна. Иштиракчияр райондин территориальный сечкийрин комиссиядин (ТИК) председатель Байрам Бабаева тебрикна, абуруз агалкьунар хьана кIанзавай гафар лагьана.
Эхирдай махсус жюриди мярекатдин нетижаяр малумарна. 1-чка Ахцегьрин 2-нумрадин мектебдин командади кьуна. Мектебда кIелзавайбурун арада Къурукаларин мектебдин 10-классдин ученица Людмила Алиева виридалайни хъсан иштиракчи яз гьисабна.
Мярекат агалкьунар хьайибуруз дипломар гуналди, саналди шикилар ягъуналди акьалтна.
«Лезги газет»
