Мукьвара Якутияда дуьньядин Кубок патал азаддиз кьуршахар кьунай кьиле фейи акъажунра Россиядин, США-дин, Ирандин, Кубадин, Япониядин, Туьркиядин, Монголиядин ва Гуржистандин хкягъай спортсменри иштиракна.
Россиядин хкягъай дестедикай азаддиз кьуршахар кьунай дуьньядин Кубокдин къизилдин сагьиб хьана. Уьлкведин хкягъай дестедик кваз тIвар-ван авай спортсмен, 86 килограммдин заланвилин дережада нубатдин гъалибвал къачур Даурен Куругълиевани иштиракна.
Даурен Куругълиеваз Мегьарамдхуьруьн райондин кьил Фарид Агьмедова нубатдин гъалибвал тебрикна, адаз гележегдани агалкьунар хьун алхишна.
«Лезги газет»
