И йикъара Докъузпара райондин Мискискарин хуьруьн администрациядин кьил Р.Къенберован теклифдалди хуьруьн рекьерин къерехар зирзибилрикай михьунин серенжем кьиле тухвана.
Гатфарин сад лагьай субботник и хуьре 9-мартдиз кьиле тухванай. А чIавуз хуьруьн сергьятар зирзибилрикай михьна. Кьвед лагьай сеферда и йикъара тухвай субботник хуьруьн юкьвай физвай республикадин дережадин рекьин къерехар михьунин макьсаддалди тешкилна. Хуьруьн кьил Рузмедин Къенберова малумарайвал, Яран сувариз гьазурвилер акун патал и йикъара хуьр абадунин кIвалахарни кьиле фида. РД-дин кьил В.Васильеван теклифдалди кьилиз акъудзавай «Къацу километрияр» экологиядин серенжемдин сергьятра аваз рекьин къерех тирвал къелемар цадайвал я.
«Лезги газет»
