И йикъара Белиж поселокдин аялрин яратмишунрин кlвале, чlехи шаир А.С. Пушкин дидедиз хьайидалай инихъ 220 йис тамам хьуниз талукьарна, аялри чlугунвай шикилрин выставка хьана. Ана Дербент райондин кьиблепатан зонадин школайра кlелзавай аялри гьазурна, 1-паюна хкянавай 20 шикил Россиядин умуми образованидин гьуьрметлу работник, Россиядин художникрин яратмишунрин Союздин член, машгьур художник Мелик Агъабалаева, рамкайра туна, цларикай куьрсарнавай.
Выставка ачухуниз талукь шад гьалара кьиле фейи мярекат поселокдин аялрин яратмишунрин кlвалин директор М. Агъабалаева ачухна. Сифте гаф рахай Абдулгьамид Ражабова аялрин яратмишунриз хъсан къимет гана, выставкадин мана-метлебдикай куьруь суьгьбетна.
Эхирдай аялри А.С. Пушкинан эсерар кlелна. Выставкада приздин чкаяр кьурбуруз грамотаяр гана.
Къагьриман Ибрагьимов
