И мукьвара Огни шегьерда боксдай республикадин кIвенкIвечивал къазанмишун патал кьиле фейи турнирда Ахцегь райондин 2-нумрадин спортшколадин боксеррини иштиракна. Къизгъиндиз кьиле фейи и акъажунра ДЮСШ-дин Смугъулрин филиалдин боксерар тир Шагьрудин Жалалова (57 кг), Мемет Агьмедагъаева (47 кг), Завир Гьамзаева (40 кг), Тельман Гьажиева (30 кг) 1-чкаяр кьуна. Абуруз гьуьрметдин грамотаяр ва медалар гана.
* * *
Московский областдин Долгопрудный шегьерда женгинин искусствойрин какахьай жуьрейрай (ММА) Россиядин кIвенкIвечивал патал турнир кьиле фена. Ана сифте яз Ахцегь райондин 2- нумрадин ДЮСШ-дин тренер Эйнар Экберова ва ЦIийи Усуррин ДЮСШ-да вердишвилер къачузвай Къурбан Нурагьмедова иштиракна. Греплингдай акъажунра Эйнар Экберова 62 килограммдин заланвал авайбурун арада 1-чка кьуна. ЦIийи Усуррин ДЮСШ-дин пагьливан Къурбан Нурагьмедов (54 кг) 2-чкадиз лайихлу хьана. Чна пагьливанриз къазанмишнавай агалкьунар мубаракзава. Къуй абурухъ мадни еке дережаяр хьурай!
Рагьидин Эминов
