Физмач дуьздаказ дуван,

Арза гваз атайла бейниван.

Малла  НУРИ

Кьисметди инсандин кIула тван тийидай пар авач.

Шагь-Эмир  МУРАДОВ 

Пул хьайила, кицIин гурцIул

Межлисдин итим тушни бес?

Ахцегь  ГЬАЖИ

Къекъуьналди жагъидач бахт, ам кьисметди гъана кIанда.

Асеф  МЕГЬМАН

ЧIални тергна, рикIяй халкьдин тIал тергна

Кьил хуьзвай кас — ам я халис кьейиди.

Муграгъ  САЛАХЪ

Им дуьнья я нефс гвайбуру кIандай патахъ акъажзавай.

Мегьамед  ИБРАГЬИМОВ

Низ багьа ятIа инсандин къимет,

Къуй гьада гурай аямдиз къимет.

Азиз  АЛЕМ

Халисан шаирдин рикI девирдин гуьзгуь, адан вахт алцумзавай сят, зенг хьун лазим я.

Гьажи  ГАШАРОВ

Жув-жувахъ, жуван къуватрихъ,  тарихдихъ ва гележегдихъ инанмиш тушир халкьдилай викIегьдаказ виликди физ алакьдач.

Мердали  ЖАЛИЛОВ

КIанда лугьуз ихтибармир явадал,

Эхир са къуз кIеви душман жеда, дуст.

Етим  ЭМИН

Вахт виридалайни чIехи духтур я: ада гапурдин херни, гафу­нин херни сагъарда.

Нажмудин  ШИХНАБИЕВ

Къадирсуз кас гъавурда тун,

Чир хьухь, валлагь, четин я.

Нариман  КЪАРИБОВ

КIаму эвез ийидач гьич са вацIни.

Куьре  МЕЛИК

Савад авай инсандиз яшайишда вири рекьер ахъазва.

Мурсал АЛПАН

КIватIайди — К.Къалажухви