И йикъара Кьасумхуьруьн 1-нумрадин ДЮСШ-да, Сулейман-Стальский райондин 90 йисан юбилейдиз талукьарна, мектебра кIелзавай жаванрин арада волейболдай кIвенкIвечивал патал акъажунар кьиле фена.
«Лезги газетдиз» райадминистрациядин пресс-къуллугъди хабар гузвайвал, волейбол машгьурунин, хъсандиз къугъвадайбур дуьздал акъудунин ва республикадин сергьятра кьиле фидай акъажунра иштиракун патал хкягъай команда арадал гъунин макьсаддалди тухвай акъажунар райондин спортдин, туризмдин ва жегьилрин крарин комитетди тешкилна.
Акъажунра райондин 112 мектебди иштиракна. Нетижада Кьулан СтIалрин мектебдин команда гъалиб хьана. Кьвед лагьай чка Агъа-СтIалрин ва пуд лагьай чка ЦIийи-Макьарин мектебри кьуна.
Гъалибчи ва хъсан чкаяр кьур командаяр талукь дипломралди, кубокралди, медалралди ва савкьатралди къейдна.
«Лезги газет»
