( Эвел 33-нумрада )
- Бахтунин рак ахъайзавай куьлег я КIанивал.
- КIанивилинни океандин къуват сад я — океанда яд гзаф жеда, рикIе кIанивал.
- Вун адал ашукь хьайиди адан гуьрчегвиляй туш. Вун адал ашукь тирвиляй ваз ам гуьрчегдиз аквазва.
- КIанивилин къуват гьамиша гъалиб жеда.
- КIанивал лугьудай гафар жагъурзавай манидин сес я.
- КIанивилин гьиссер чир тахьана фейи вири уьмуьрдилай кIанивилин са декьикьадин къимет багьа я.
- РикIе кIанивал авай инсан садрани кесиб жедач.
- КIанивал авай рикIи кьатIудай кьван затIар вилериз аквадач.
- КIанивили чаз вири крар эхи ийидай къуватар гузва.
- КIанивили рикIе къуват твада, чан зайиф хьайитIани.
- Эгер гьакъикъатдин кIанивал рикIиз са сеферда атайтIа, ам анай уьмуьр амай кьван экъечIдач.
- КIанивилин къуватди мичIи йиферни экуь ийида.
- Дуьньяда авай виридалайни гуьрчег шейэр вилериз акурбур ваъ, рикIи кьатIудайбур я.
- КIанивилин кьадар валай асу я, вуна гьикьван гзаф гайитIа, ам гьакьван гзаф чIехини жеда.
- КIанивилин чIал гьиссер я. Гьавиляй абуру кIанивилиз чIаларни кхьизва.
- Багъишламиша лугьуз чин тийидай инсандиз кIанивални чир жедач.
- Зун я са пеш, кIанивални я са цуьк, санал жен чун гьамиша, рагъ галукьиз марфадик.
- Вуна вун ни гьейранарнатIа ва ви кефи хайиди вуж ятIа лагь, ахпа зани лугьуда ваз вун вуж ятIа.
- КIанивал — им кьве чанда авай са руьгь я.
- Вуна авур кьван вири хъсан крариз са гафуналди кIанивал лугьуз жеда.
- Дагъ дагъ я. Гьуьл яд я. КIанивал кIанивал я.
- Дишегьли гатаз кIанзаватIа, цуьквералди гатут.
- Са вахтара кIанибур чеб-чпивай дин паталди къакъатда, амма Аллагь сад тирди рикIелай ракъурзава.
Гьазурайди — Гуьлжагьан Мисриханова
( КьатI ама )
