За лугьузва къе

Вири таватриз.

Къуй ван атурай

Абрун япариз.

 

Мубаракрай квез

Куь пак тир сувар!

Куьне итимрик

Кутазва лувар.

 

Куь кьилер хуруз

Ават тавурай.

Хажалатни гъам

Агат тавурай.

 

Галукь тавурай

Куь япарихъ себ.

Чанар сагъ хьурай

ЭчIязавай кьеб.

 

Куьн дидеяр я,

Куьн вахар я чи.

Куьн балаяр я,

Куьн сусар я чи.

Куьн хтулар я,

Куьн абурар я,

Куьн сабурар я,

Куьн язва цуьквер,

Вилерин эквер.

 

ТIебиат куьне

Ийизва гуьрчег.

Им гьакъикъат я,

Аквазва керчек.

 

Сагъ хьурай вири

Тават лагьай кьванбур!

Гьамиша гъизвай

Дуьньядал абур.

 

Дуьз рекье ава

Къе Шагьабудин.

Багьаз хуьзвай кас

Гьуьрмет папарин.

Шагьабудин Шабатов, шаир