Дагъустанда агьалияр лап куьгьне хьанвай ва чкIидай гьалда авай яшайишдин кIвалерай масанриз ахкъудунин программадин эхиримжи паюнал асаслу яз планламишнавай гзаф квартирайрин вири 25 кIвални ишлемишиз вахканва. Са шумуд виш хизан цIийи кIвалериз гьеле экъечIнава.
Алай йисан сентябрдиз цIийи аваданламишнавай квартирайриз мад 1600-далай виниз агьалияр экъечIда. Алай вахтунда гьукумдин органри чкайрал цIийи кIвалериз экъечIун патал герек документар туькIуьрунин кIвалах кьиле тухузва.
“Дагъустан Республикада чкIидай гьалда авай яшайишдин кIвалерай агьалияр масанриз куьчарун” тIвар ганвай тайин тир программа 2016-2017-йисара кьилиз акъудунин сергьятра аваз Дагъустан Республикадин вад муниципальный тешкилатдин мулкарал чкIидай гьалда авай 42,3 агъзур квадратный метрдин майдан алай, чпе 3140 агьали (987 хизан) яшамиш жезвай гзаф квартирайрин 68 кIваляй агьалияр масанриз ахкъудун герек я.
Яшайишдин цIийи кIвалерай чкаяр Дагъустандин Огнида (44 хизандиз), Дербентда (502 хизандиз), Махачкъалада (430 хизандиз), Кьиблепатан Сухокумскда (3 хизандиз), гьакIни Тарумовский районда (8 хизандиз) чара ийида.
«Лезги газет»
