Аялар патал

«Лезги газетди» хайи чIал чирунин месэлайриз бахшнавай рубрика кардик кутазва. Ана чIалаз талукь и ва маса суалрикай, мажарайрикай менфят къачуда. Материалар жавабарни галаз гьазурна кIанда. Рубрикада мектебра кIелзавай аялривай иштиракиз жеда.

Кьилинди, суалри аялрин патай итиж арадал гъун ва абуру дуьз жавабар жагъурун я.

Дуьз жавабар гана, гзаф баллар къачурбурун тIварар чна газетда ва сайтда чапда.

1.И бендина пунктуациядин лишанар эхциг (Гьар са дуьз жавабдай — 1 балл).

Рагъ яни вун

Варз яни вун

Вун вуч ятIа лагь

Инсан икьван

Гуьрчег жедан

Я сад тир Аллагь.

2.Винидихъ галай бендина шумуд простой предложение ава? (3 балл).

3.Гьар са простой предложение кьилди кхьена, членриз разбор ая (тайин хьанвай жуьреда цIарар чIугу). (Гьар са дуьз жавабдай — 1 балл).

4.И бендина авай гафар кьилди кхьена, гьар сад гьи чIалан пай ятIа, лагь. (Гьар са дуьз жавабдай — 0,5 балл).

Гьар са пехърез вичин кака.

Чизамач ам хадай чка,

ХупI бул хьана и винтовка,

Ружадикай лаш хьана хьи.

Жавабар «Лезги газетдин» редакциядин адресдиз ва я электронный почтадиз рекье тур!

Гьазурайди — пенсияда авай лезги чIалан муаллим  А.Закиров. Хасавюрт райондин Къурушрин хуьр.