Дагъларин уьлкве, Лезгистан дуьньядиз машгьур авур чIалан устад СтIал Сулейманан девирдилай чи йикъаралди Халкьдин шаир лагьай виниз тир тIварцIиз адан тIвар ганвай хайи ватанда кьвед лагьай илгьамдар Майрудин  Бабаханов лайихлу хьанва. Адан тIварцIихъ тебрикдин гафар лугьун давам хьун тIебии, лишанлу карни я.

Зи вилерин ишигъ фадлай туьхвенва,

Руьгь къекъвезва Сулейманан Ватанда.

На лугьуди, заз экуь югъ куькIвенва,

Гьакьван Эмин къекъвей чил заз масанда.

 

Шарвилиди этег кьунва Имама,

Багъри ватан абадзава, эхь, ада!

Наримана район нурлу ийизва,

ЦIийи-цIийи крар рикIел хкизва.

 

Майрудиназ зи руьгь мугьман хьанва къе,

Адаз лайихлу виниз тIвар ганва къе.

Фадлай и пак кар буржи тир хиве зи,

Адаз тебрик чими хьанвай рикIе зи.

Зи хайи халкьдихъ Арбенарни Майрудинар мадни артух хьурай! Амин! Гьуьрметдивди, Казим Казимов.